Seymur Baycandan yeni kitab - Foto

Seymur Baycandan yeni kitab  - Foto

07 Dekabr 2023 11:30 304


Tanınmış yazıçı Seymur Baycanın yeni kitabı çıxıb.

“Qanun” Nəşrlər Evində çap olunan “Alınmayan hekayələr” adlı kitabda yazıçının yeni hekayələri yer alıb.

Realizm Seymur Baycan üçün həmişə hakim ədəbi cərəyan olub. Onun hekayələri səs-küysüz, bər-bəzəksiz, kənardan olduqca təbii görünən həyati situasiyalardan və bunların yaddaşda yaratdığı əks-sədalardan ibarətdir. “Alınmayan hekayələr” kitabı da məhz bu bünövrənin üstündə inşa olunub.

Həyatın qarışıqlığı içində itmiş, üstünü toz tutmuş hadisələr, dadlar, ifadələr, davranışlar, peşmanlıqlar, sevinclər, məqsədlər, prinsiplər Seymur Baycanın “Alınmayan hekayələr”ində üzə çıxır, gözlərini həyata yenidən açır.

O, həyatın ən incə detallarına toxunur, toxunduğu detallarla zəmanəmizin xarakterlərini, dövrün mənzərəsini, bu mənzərənin içində vurnuxan obrazları yaradır.