Və çəkişmə vəhşi yaşamın ən möhkəm qanunudur - Əlibaladan yeni şeirlər

Və çəkişmə vəhşi yaşamın ən möhkəm qanunudur  - Əlibaladan yeni şeirlər

30 Noyabr 2022 16:45 356


YeniYaz.az gənc şair Əlibala Əhmədovun şeirlərini təqdim edir.


BAĞLARI DƏYİŞMƏK


Bəlkə də doğrudan da dincliyə yetişmək üçün
bizə öyrədilən hər şeyi unutmaq gərəkdir
mis qabın soyuğundan barmağını çəkmək kimi

(və)

ocaqdan fəryadsız ayrılan
aydın, zəif tüstü..

Gün gələcək, müsəlman adı daşımayacaqsan

odlu qan süzülməyəcək adının üzərindən

unudacaqsan bu torpaq üstündə böyüdüyünü

bu torpaq üstünə qoyduğun çəkməni unudacaqsan.

və bu torpaq üstündə dərdiyin ilk pomidoru..
Ağzını nar şirəsiylə buladığın ilk günü..

Adın nə Mustafa, nə Əli olmayacaq..

"Müsyö Etien
aydın gözlərin işığı
Normand torpağında ən cavan əsilzadə
mahir qadın ovçusu
və insafdan məhrum,
tandığın torpaqda
ən böyük şərab baronu."

Cildini yox, içini dəyişəcəksən belə
bıçaqla çölə tökülən tərəvəz içi kimi


Və gözlərdən silib atmaq, ən yaxın doğmalığı..

Gün gələcək nitqini də dəyişəcəksən bu cür

ağzından qoparacaqsan isti, doğma sözləri

və dilində yadlığın çanağını yaradacaqsan..

"Omnia quae dilexi laeserunt mihi, haesit in corde

meo sicut ferrum ignitum, et intellexi amorem

plus esse maledictionis quam benedictionis.."

Bir vaxtlar Tanrıya yaxın olduğunçün peşmansan..



DUA EDƏN ƏLLƏRİ İTİRMƏYİN TARİXÇƏSİ

Artıq anladın - ruhundakı titrətmələr
zəiflikdən başqa nəsə deyil.

(ilahi riqqət deyil - ağlını yığdın başına)

Və yoxdur - ağrının şərəfə çevrildiyi xəyali yerlər..

Bir - biriylə yarışan ən məşhur brendlər kimi

dinlər də daima çəkişmə içindədir.

Və çəkişmə

vəhşi yaşamın ən möhkəm qanunudur.

(Damarlar kəsildi - İblisin badəsi içinə..)



İNANCSIZIN DEBATDAKI İLK ÇIXIŞI

Qaçış istəyi nədir?
Dinlərin insan qəlbindəki ən böyük casusu.