Bakıda qar - Günün şeiri

14 Yanvar 2022 09:36 380

Bakıda qar

Rəsul Rza

Küçələrə qar yağır.

Adamlara qar yağır.

Eyvanlara, damlara,

sərçələrə qar yağır.

Elə bil ki, budaqlar

əslində budaq deyil,

əyri çubuq uzanmış

qarların kölgəsidir.

Bakının küçələri,

elə bil, Bakı deyil,

Boranlı, fırtınalı

bir şimal ölkəsidir.

Meydan, sahil, dağ, dərə

Təzə qarla doludur.

Keçib gedir adamlar.

Adamlar çəkməlidir,

Adamlar paltoludur,

Sərçələr ayaqyalın

İstəyirəm qışqıram:

- Uşaqlar, ay uşaqlar!

Qartopu oynayanda

Paltarsız, ayaqyalın,

dən gəzən sərçələri

bir anlıq yada salın!

Bakı, yanvar, 1964

Xəbər

Xəzinə və peyinlik haqqında - Seymur Baycan yazır...
Azərbaycanda mədəni tənəzzülün səbəbi haqqında - Filistin
Yaşadıqlarını yazdı, amma...
Son bahar addım-addım sürünür bağa sarı - Yeni şeirlər
Müasir müharibə hekayələri təqdim olundu
Kəlmələrlə dünyanımı qucaqlayır - Mətanət Vahid yazır...
“Ayətullahlar İmam Hüseyn adı ilə silsilə cinayətlər törədirlər” - VİDEO
Yaxşı adam haqqında - Pünhan İbrahim yazır...
Serial təfəkkürü və bədii məğlubiyyət
Vüqar Vanın yeni hekayəsi: Vərəsə