Həyatın mənasını axtarma, banan ye - Modern Azərbaycan haykuları

Həyatın mənasını axtarma, banan ye   - Modern Azərbaycan haykuları

07 İyun 2023 10:36 1900


Nihad

Güzgünün önündə dayanıb
Prışiklərimi partdadıram.
Qapı döyülür.

***

Şəklinə baxıb
Burnumu qurtdalayıram.
Budurmu sevginin sonu?

***

Bütün gecəni yeyib-içdik,
Bütün gecəni sevişdik.
İyimiz bir-birinə qovuşdu.

***

Qocalıb əldən düşdüm,
Dişlərim töküldü,
Qulaqlarım tükləndi.

***

Unitazda oturub
Səni düşünürəm.
Sular kəsildi.

***

Pəncərə şüşəsində
Milçəklər sevişir.
Tənhayam...

***

Dilim topuq vurur,
Qələmim quruyur,
Qarnım yekəlir.

***

Kartof satan xalanın
Döşləri titrəyir.
Püre ləzzətli alınacaq.

***

Yuxudan oyanıb
İlk növbədə
Qarnımı qaşıyıram.

***

Günəş batır,
Ay çıxır,
Saqqalım uzanır.

***

Həyatın mənasını axtarma,
Tapa bilməzsən.
Banan ye.

***

Həyatdan küsəndə
Ayran iç, cız-bız ye.
Üzün güləcək.

***

Çoban olmaq istərdim!
Qoyun otarıb
Dağlara sıçmaq.

***

Səni yuxuda gördüm.
Durub ağladım.
Sonra bozbaş yedim.

***

Qış gəldi.
Qaz pulu yoxdur.
Şaxta baba özüm olacam.

***

Taksidə sürücü
Durmadan danışır.
Kopoyoğlunun patısı...

***

Quş olmaq istərdim.
Göylərdə uçub
Başlara sıçmaq.

***

Yüz qram araq,
Bir çimdik duz,
Min kilo dərd.

***

Doğma rayonu tərk edib
Bakıda fəhlə işləyən gənc
Daş cəngəllikdə azıb.

***

Övladına
Küçük deyən ana
İt kimi hürür.

***

Toy gecəsini
Gözləyən cütlük.
Bıçaq davası düşür.

***

Dönərdən dişləyib
Bizondan içdim.
Mübarizə davam edir.

***

Dişlərimi yumuram,
Çimmirəm, qırxınmıram.
Rədd olsun kapitalizm.

***

Gözlərin badam,
Dodağın püstə.
Qoxun noxud.

***

Əcəb edən insanlar,
Nəcib insanlar.
Nəcis insanlar.

***

Böyümək, öyünmək.
Böyürmək, yürümək.
Öyümək...

***

Qoca pornoaktrisanın
Bircə təsəllisi var: oynadığı filmləri
Pauzaya qoymaq.

***

On beş gürcü xəngəli yeyib,
Küçəyə çıxdım.
Lüboy söhbətə hazıram.

***

Bildim həqiqət
Harada gizlənir:
Ya baçokda, ya bardaçokda.

***

Bahar küləyi
Qaldırdı ətəyi.
Pulsuz erotika.

***

Neçə gündür çimmirəm.
Başımda kəpək
Sanki bir topa kəpənək.

***

Bayıl, bayıl,
Ayıl, ayıl,
Hayıl-mayıl.

***

Sən bir ağacsan.
Paçanda
Quş yuvası.

***

Yağış yağır.
Sağ əlim
Sol döşünü sağır.

***

Şamlı gecəmsən,
Tamlı gecəm,
Amlı gecəm.

***

Qəhrəmanlar və qəhər...
Qəhbələr və qəh-qəhə...
Bir fincan qəhvə...

***

Nə yaxşı ki,
Yayın bu cırhacırında
Kondisionerli dükanlar var.

***

Hər səhər tualetdə gördüyüm
Qarışqa yoxa çıxıb.
Yetim qaldım.

***

Şeirimdən oxuyub
Alnımdan öpdün.
Urrraaaa!!!

***

Tək-tənhayam
Dörd divarda.
Burnumu oynadım?

***

İlbizlər...
İblislər...
Bizlər...

***

Krevetka, pivə,
Noxud, pətənə...
Vur bədənə.

***

Gecədir,
Ulduzlar sayrışır,
Canlılar qayrışır.

***

Şəhərin göbəyində...
Kəndin gö*ündə...
Qəsəbənin peysərində...